Archives de juillet 2001

Quandu li ti daraghju ?

Manu

à Mammone

Quanti basgi ch’eo averaghju…
Stuzzicanu li mio sonnii
Aggrancati in u tempu
Chì trascina li so ghjorni.
Quandu li ti daraghju ?


Ùn basteranu i ritratti

Chì matrucanu a mente :
Ùn sò boni à rispechjà ti
Quant’è l’acqua di isse surghjente
Chì vanu, chì vanu…

Nantu à la petra murata,
Una perla cristalina,
Lacrima di isse loche
Chì si lampa in l’incrina,
Si ne cola scunsulata.


Ùn basteranu i ritratti

Chì matrucanu a mente :
Ùn sò boni à rispechjà ti
Quant’è l’acqua di isse surghjente
Chì vanu, chì vanu…

Ma basteranu i ricordi
Ad appacià la mancanza
Suneranu li mio accordi
Per fà cresce a credenza :
Chì si spanna, si spanna…

Cristofanu FILIPPI
u 20 di lugliu di u 2001

Publicités

1 commentaire

%d blogueurs aiment cette page :